Serbski magacin Łužyca pśiźo tenraz z Lubina. Śěžyšćo jo muzika. Lětosa spominamy na 350. smjertny źeń Paula Gerharda, kótaregož cesće na cełem swěśe ako pěsnjarja kjarližow. Bźez Łužycanarja, kótaryž jo za jogo twóŕby komponěrował muziku, by pak jeho wuspěch był lěbda móžny: Jan Krygaŕ. Wón jo se naroźił 1598 w Brjazynje pla Gubina, w serbski pregowanem wobswěśe. Słowjańske wliwy z jogo źiśetstwa su se teke wustatkowali na jogo muziku, kótaraž jo w spiwaŕskich do źinsajšnego prezentna. Wuměłski duo ze źinsajšnego casa jo wugótował hommage na basnikaŕku a komponistku Minu Witkojc. Pólska wiolinistka Izabela Kałduńska a Walburga Wałdźic, serbska spiwaŕka z Górneje Łužyce, stej se pśibližyłej jeje biografiji. Wuměłcowce stej se póznałej w Lipsku, w lichej muzikowej scenje. Kak žywe jo tam serbske muzikowe žywjenje, pokazujo zarědowanje "Urban Sorbian Sounds". Docełego bźez muziki jo woglěd do supermarka w Chóśebuzu. Tam jo wšyken sortiment wopisany dwójorěcnje: dolnoserbski a nimski. Jano pśi kasy se nimska rěc pomina. moderacija: Christian Matthée Das sorbische/wendische Magazin Łužyca kommt diesmal aus Lübben mit dem Schwerpunkt Musik. In diesem Jahr wird des 350. Todestag von Paul Gerhardt gedacht, der weltweit als Kirchenliederdichter verehrt wird. Sein Erfolg wäre aber kaum denkbar gewesen ohne einen Lausitzer, der die Musik für seine Werke komponiert hat: Johann Crüger. Er ist 1598 in Groß Breesen bei Guben geboren, in einem wendisch geprägten Umfeld. Slawische Einflüsse in seiner Kindheit haben auch seine Musik beeinflusst, die bis heute in Gesangbüchern präsent ist. Ein Künstlerduo aus der heutigen Zeit hat eine Hommage an die Dichterin und Publizistin Mina Witkojc gestaltet. Die polnische Violinistin Izabela Kałduńska und Walburga Wałdźic, eine sorbische Sängerin aus der Oberlausitz, haben sich der Biografie musikalisch angenähert. Kennengelernt haben sie sich in Leipzig, in der freien Musikszene. Wie lebendig dort das sorbische Musikleben ist, zeigt die Veranstaltung "Urban Sorbian Sounds". Ganz ohne Musik geht es beim Besuch eines Supermarktes in Cottbus zu. Dort ist das gesamte Sortiment zweisprachig - Niedersorbisch und Deutsch - beschrieben; nur beim Bezahlen ist Deutsch erforderlich.